Erisipèl Se Yon Enfeksyon ki touche po ak tisi ki anba po a. Li lakoz jeneralman de yon gwoup bakteri Nou rele streptocoques bêta hémolytique groupe A li kapab afekte nenpòt pati nan kò a men pi souvan li touche pye ak vizaj.

Kijan li manifeste ?

▪️Se Yon maladi ki gen Yon evolisyon rapid. Moun ki gen erisipèl k ap prezante siy sa yo :

-Gwo fyèv AK frison.
-Nan Zòn nan po ki atenn lan ou Kapab wè Yon gwo plaka wouj klere, ki gonfle, ki Cho Lè w touche l ki fè mal anpil. Li Kapab genyen tou gwo blad sou Po a.

Kisa ki favorize Moun develope erisipèl?

-Nenpot blese nan Po a se Yon pòt pou bakteri a antre pou l atake Po a ( pa egzanp Moun ki blese nan fè Pye yo ,blese akoz piki moustik, blese nan fant zòtèy elatriye…
-Moun sistèm iminitè yo fèb (tankou Moun ki gen dyabèt ,kansè, malnitrisyon)
-Moun ki obèz
-Moun ki soufri ensifizans venez ki gen Pye yo k ap plede anfle
-Elatriye…

Ki konplikasyon erisipèl k ap bay ?

Anpil FWA Moun ki gen erisipèl nan Pye sosyete Nou konfonn yo AK Moun ki pran nan poud, sa koz yo pa wè medsen pou resevwa swen ka yo a nesesite sa ki fè konplikasyon yo konn grav.

-Abse nan Po
-Pye a Kapab rete gwo nèt
-Enfeksyon an k ap pwopaje nan Ren e pwovoke insifizans renal .Konsa tou li k ap pwopaje nan tout kò a e menm pwovoke lanmò.

Kijan ou Kapab prevni erisipèl ?

-Toujou Dezenfekte tout blese ou genyen
-toujou Byen seche kò w ,sitou nan mitan zòtèy yo epi mete chosèt koton.
-Toujou Idrate po ou AK losyon oubyen krèm aprè ou fini benyen
-Veye pwa w ,evite obezite
-Si dòktè dyanostike ou gen ensifizans venez, toujou mete bas de contention
-Toujou Gen yon bon ijyèn kòporel.

Si ou remake Yon Moun ki genyen siy maladi erisipèl ankouraje l wè dòktè pou li resevwa antibyotik apwoprye.