Se yon maladi ki atake ren yo jeneralman aprè yon enfeksyon nan gòj oubyen sou po a.

Ki jèm ki sous maladi sa?

Se yon maladi ki touche jeneralman timoun, li kapab koze pa divès mikwòb men bakteri yo plis akize se streptocoque bêta-hémolytique groupe A.

Kijan ren yo fè rive atake?

Lè ke timoun nan gen yon enfeksyon nan gòj oubyen sou po akoz bakteri sa, kò a pral eseye defann li. E nan konba sa, pral gen sibstans ki libere nan kò a ki pral andomaje ren yo e pwovoke yon dezekilib nan fonksyonman yo.

Ki siy ak sentòm yon timoun ki gen maladi sa?

-Kò Timoun nan anfle
-Vizaj li anfle sitou nan maten
-Li pa pipi anpil e pipi li koulè koka kola
-Tansyon li wo
-Li kapab gen Doulè nan vant
-Vomisman
-Elatriye

Ki prekosyon ki dwe aplike pa rapò ak maladi sa?

-Yon timoun ki gen problem po oubyen nan gòj dwe elwanye de lòt timoun yo.

-Chak timoun dwe gen zafè pèsonèl, pa ekzanp gode,kiyè…
Paske se youn nan mwayen jèm nan kapab pwopaje.

-Timoun yo dwe respekte prensip ijyèn yo tankou Lave men.

-Si w remake yon timoun ki gen siy ak sentòm sa yo ,li dwe wè pedyat prese. Evite bay timoun sa manje ki gen sèl ladan l e respekte preskripsyon doktè yo nòmalman.