Se yon anomali jenetik ki lakoz reta entèlektyèl ak anomali fizik Kay yon moun.

Kisa ki a la baz anomali jenetik sa?

Nòmalman moun gen 46 kwomozòm,Li resevwa 23 kwomozòm de chak paran . Moun ki gen anomali jenetik sa genyen 3 kwomozòm 21 olye yo genyen 2, sa ki koz yo gen 47 kwomozòm. Sa konn rive tou , yo gen 46 kwomozom paske kwomozòm 21 yo gen an plis la, al grefe l sou yon lòt kwomozòm. Men nan tout 2 ka yo, grenn Kwomozòm 21 anplis sa dezekilibre bon fonksyonman tout òganis lan.

Ki faktè risk ki lye ak anomali jenetik sa ?

Nan « trisomie 21/syndrome de Down » jeneralman yo enkrimine laj manman. Plis manman avanse nan laj se plis li gen risk pou fè timoun ak anomali jenetik sa.

Kòman ou k ap rekonèt yon moun ki atenn pa anomali sa ?

Li pa touche tout moun menm Jan, men jeneralman moun ki atenn yo kapab gen:

-Ti tay
-Ti tèt ak ti zòrèy
-Do nen yo Plat
-Je yo ekate e li gen yon pli Devan chak je
-Lang yo gwo e souvan rete deyò bouch la
-Kou yo kout
-Men ak pye yo kout
-pla men yo ,gen yon sèl tras orizontal
-Yo gen reta nan devlopman yo ak defisi entèlektyèl
-Elatriye…

Konplikasyon

Yo kapab gen :
-mal fòmasyon kadyak

• mal fòmasyon dijestiv
  -mal fòmasyon nan je
  -Elatriye… Lamedsin pa geri « trisomie 21/Syndrome de Down » ,men lè l konbine ak reyedikasyon, li kapab pran an chaj anpil Konplikasyon e pèmèt moun ki atenn li viv pi lontan.